2005年6月24日 星期五

零五第一紅

連續落左成個星期雨,今日終於出左零五第一個紅雨。真係唔知係咪天台手緊左‥但肯定既係睇幅等雨量線圖見到香港已經淪陷咁滯‥才過了12小時,港九新界廣泛地區錄得雨量超過100mm,而港島更有地區錄得超過200mm雨量。而剛剛昨日既新聞更謂,今個月只有一日沒有雨量紀錄!真係唔講得笑!
琴日整熱帶氣旋之最,整到最近赤道的熱帶氣旋時仲以為係2001年既畫眉,後來有熱心既網友提返先知原來2004年北印度洋有個叫Agni原來已經破左紀錄,我腦海中有印象,但唔提真係唔記得咯。

後來翻查資料先發覺 Agni 既奇異度係比畫眉更高,之不過因為畫眉起西北太平洋,又襲擊新加坡,所以傳媒較廣泛報導,使人記憶更深。而Agni至今仍未有相關的科研解釋其生成機制,所以依個奇蹟仍然係一遍謎團的。

2005年6月9日 星期四

降雨偏多‥

做5月份的氣候回顧,今次看了特別多的資料,才發現這月份的降雨比過往幾年都要多得多,且使今年一度乾旱的形勢扭轉。氣候距平的分析証實今年西風帶一路就是偏弱,北方冷空氣南下少,提早收爐。西南季風快快就進駐了南海,為華南帶來了一度又一度的季風槽式天氣。

南亞高壓現在已經勢盛了,應該再差一兩星期,它便會坐上青藏高原的寶座,介時,也就是夏天完全臨到華南的日子了。

說開也就說‥香港天文台網站終於推出高空天氣圖了,初初見到真是相當意外,這下子,香港天文台網站所提供的天氣資訊真是深淺俱備,簡直無敵呀!

網誌存檔